O stondin farchnad yn Bradford
1899 — Stondin yn agor ym Marchnad Bradford
Ym 1899 y dechreuodd y marsiandwr wyau a menyn William Morrison, tad Syr Ken Morrison, ar y gwaith o greu’r cwmni yr ydym yn ei adnabod heddiw. O stondin mewn marchnad yn Bradford y daeth yr ysbrydoliaeth i arloesi ac arwain y ffordd mewn adwerthu archfarchnadol.
1958 — Y siop ganol tref gyntaf yn agor
Ar ôl newid o stondinau marchnad i wasanaeth cownter, ceir cymaint o gynnydd fel bod siop fechan yn cael ei hagor yng nghanol y ddinas ym 1958. A hithau â thair desg dalu, hon yw’r gyntaf yn Bradford i gynnig hunanwasanaeth a dangos prisiau ar ei chynhyrchion.
1961 — Yr archfarchnad gyntaf yn agor
Mae “Victoria”, archfarchnad gyntaf y cwmni, yn cael ei hagor yn Bradford ym 1961. Mae’r hen sinema’n cael ei haddasu’n 5,000 troedfedd sgwâr o le adwerthu sy’n gwerthu cig newydd, ffrwythau a llysiau, a bwydydd eraill, gyda pharcio di-dâl ar gael.
1967 — Morrisons yn dod yn gwmni cyhoeddus
Mae ehangu parhaus a chynlluniau ar gyfer twf pellach yn arwain y cwmni i droi’n un cyhoeddus ym 1967. Mae’r dyroddiad cyfranddaliadau’n cael ei ordanysgrifio 174 o weithiau wrth i dros 80,000 o fuddsoddwyr geisio prynu cyfranddaliadau.
1971 — Prif Swyddfa newydd yn Bradford
Mae canolfan swyddfeydd, warysau a ffatrïoedd Hilmore House yn agor yn Bradford.
1976 — Depo cynhyrchion newydd yn agor
Mae canolfan pacio cynnyrch Cutler Heights yn agor yn Bradford.
Ehangu y tu hwnt i Bradford
1978 – Cymryd cwmni Whelan Discount Stores drosodd
Ar ôl cymryd cwmni Whelan Stores drosodd, mae Morrisons yn gweithredu yn Sir Gaerhirfryn am y tro cyntaf.
1980 — Dechrau cynhyrchu bwyd ffres
Ym mis Awst, mae ffatri bwyd ffres bwrpasol ‘Farmer’s Boy’ yn dechrau masnachu fel is-gwmni ym mherchenogaeth lwyr Morrisons.
1988 — Canolfan ddosbarthu bwrpasol newydd
Mae canolfan ddosbarthu gyntaf Morrisons, Wakefield 31 (wedi ei lleoli’n agos i draffordd yr M1), yn dechrau gweithredu.
1990 — Warws bwyd ffres a safle ddosbarthu newydd
Mae Wakefield 41 yn cael ei hehangu i gynnwys storfeydd oer a llecyn storio amgylchynol ar gyfer cynnyrch, yn ogystal â warws bara.
1997 — Ail ganolfan ddosbarthu
Mae Gadbrook Park yn Swydd Gaer yn dod yn weithredol, ac mae Wakefield 41 yn cael ei datblygu i gynnwys depo rhewfwyd.
Gweithredu ledled y wlad
1998 — Agor y siop gyntaf yn y De
Ym mis Hydref 1998, mae Morrisons yn agor ei siop gyntaf yn Ne Lloegr yn Erith, Llundain Fawr
1999 — Y 100fed siop yn agor yn ystod y flwyddyn ganmlwyddiant
Mae blwyddyn canmlwyddiant y cwmni’n cael ei dathlu drwy agor y 100fed siop Morrisons, yn Nelson.
Ionawr 2000 — Ken Morrison yn cael ei urddo’n Farchog
Mae Ken Morrison yn cael ei urddo’n Farchog yn Rhestr Anrhydeddau’r Flwyddyn Newydd yn 2000, am wasanaethau i adwerthu bwyd.
Tachwedd 2000 — Y siop gyntaf yng Nghymru’n agor
Mae ein siop gyntaf yng Nghymru’n agor, yn y Rhyl.
2001 — Morrisons yn ymuno â’r rhestr ‘FTSE 100’
Yn dilyn hanes 35 mlynedd o dwf mewn gwerthiant ac elw ers mynd yn gwmni cyhoeddus ym 1967, mae Morrisons yn ymuno â’r ‘FTSE 100’ am y tro cyntaf yn Ebrill 2001.
Chwefror 2004 — Y siop gyntaf yn yr Alban yn agor
Ym mis Chwefror mae siop gyntaf y cwmni yn yr Alban yn agor yn llwyddiannus yn Kilmarnock.
Dod yn gadwyn archfarchnadoedd 4ydd fwyaf y DU
Mawrth 2004 — Cwmni Safeway’n dod yn rhan o deulu Morrisons
Mae Morrisons yn cwblhau’r broses o gymryd Safeway drosodd, gan greu grŵp archfarchnadoedd pedwerydd mwyaf y DU. Er mwyn gwasanaethu’r grŵp ar ei ffurf estynedig, mae Morrisons yn caffael canolfan pacio cynnyrch ffres a dosbarthu newydd yn Thrapston yn Swydd Northampton.
2005 — Datblygiadau yn Lloegr, yr Alban a’r Iseldiroedd
Mae Morrisons yn caffael ffatri prosesu cig arall yn Turriff, yn yr Alban. Mae ffatri fwy ar gyfer pacio cynnyrch ffres, Bos Brothers, yn cael ei hagor yn yr Iseldiroedd, ac mae Canolfan Ddosbarthu Ranbarthol yn cael ei hagor yn Latimer Park, Kettering. Mae canolfan Thrapston yn cael ei datblygu drwy ychwanegu warws dosbarthu a mannau llwytho oer.
Tachwedd 2005 — Y rhaglen drawsnewid wedi ei chwblhau
Ym mis Tachwedd 2005, mae Morrisons yn cwblhau’r broses o newid siopau Safeway drosodd i ddiwyg Morrisons.
Ar hyn o bryd mae mwy na 370 o siopau Morrisons ledled y DU, sy’n croesawu tua 9 miliwn o brynwyr bob wythnos. Mae’r cwmni ar hyn o bryd yn cyflogi mwy na 114,000 o aelodau staff mewn siopau, ffatrïoedd, canolfannau dosbarthu a gweinyddiaeth prif swyddfa.